"Мобилен телефон без негативни карактеристики!". Вака гласи насловот на прегледот на овој телефон објавен на еден од најпопуларните веб-портали за мобилна телефонија gsmarena.com. Првиот модел од возобновената серија T на Сони Ериксон беше претставен во месец мај оваа година, заедно со моделот T250. За разлика од "помалиот брат", T650 припаѓа во т.н. висока класа на мобилни телефони. При неговата изработка е посветено многу внимание на изборот на материјалите и финалната обработка, а под неговото метално куќиште се крие уред со одлични перформанси, кој остави без зборови голем број на критичари.