Проблемот на изработка на уред кој ќе ја подобри работата на моторот и овозможи искра со доволна енергија за палење на горивото често е обработуван со помал или поголем успех. На пазарот преку разни огласи се нудат уреди за таа намена, кои не се ништо друго туку обични електронски прекинувачи и не нудат некои подобрувања. Некои уреди го носат и епитетот "DIGITAL" иако не е употребено решение во тој контекст. Овде ќе го обработиме дигиталното тиристорско палење кое, за разлика од останатите, нуди нешто повеќе. Напонот на влезот на бобината не е како кај останатите палења 12V, туку се работи за напон од околу 300V, кој овозможува сигурен старт во секоја прилика и доволна енергија на искрата.