Од пред два месеци во сила стапија новите сообраќајни прописи, кои, меѓу другото, ги обврзуваат возачите да имаат вклучени соборени светла на автомобилот додека се движи и тоа во текот на целиот ден. Се разбира дека секоја промена од старото тешко се прифаќа меѓу нас, што значи дека поголем дел од нас забораваат да ги вклучат светлата. Секако, тука се полицајците кои не предупредуваат на ова, а некој од возачите "заработува" и казна поради тоа. За да го надминеме овој проблем во овој напис ви предлагаме едноставен електронски уред кој ќе ви сигнализира кога ќе заборавите да ги вклучите светлата на автомобилот, како и кога ќе ги заборавите светлата вклучени кога моторот е исклучен. Исклучувањето на светлата кога моторот не работи е исто така важно, затоа што тогаш акумулаторот на возилото не се дополнува и после неколку часа тој ќе се испразни по што нема да може да го стартувате моторот.