Во минатиот број ве запознавме или потсетивме со бројните системи, и начинот на претварање на броевите од еден во друг броен систем. Исто така, сега знаеме зошто токму хексадецималниот броен систем го користиме при работењето со микроконтролерите. Во овој број ќе кажеме нешто во врска со операцијата одземање и ќе почнеме да се запознаваме со архитектурата на микропроцесорот 6800.

Сите американски Hi-Fi списанија кои го тестираа засилувачот Sunfire беа воодушевени од неговиот неутрален звук и од неговата скоро неограничена моќност, што и не е за чудење – ако има некој на светов кој навистина знае да направи добар засилувач, тогаш тоа е Robert (Bob) Carver, шефот на Sunfire.

Сакате да влезете во светот на практичната електроника, но не знаете како и од каде да започнете? Можеби веќе и сте започнале практично да се занимавате со електрониката, но наидувате на многу проблеми поради своите скромни знаења? Ако вашиот одговор на овие прашања е потврден (барем делумно) тогаш оваа серија написи е наменета за вас.

Фирмата BSS Audio на пазарот исфрли нова линија на аудио процесори од серијата OPAL. Тоа се DPR-422 Dual Compressor & De-esser и DPR-522 Dual Noise Gate. Во нив е вградена сопствената VCA технологија. Влезните и излезните приклучоци се со XLR конектори, со точка на инсертирање преку стандарден телефонски џек, со трансформаторска симетрија. Секој од овие уреди може да работи со референтните нивоа од +4dBu или -10dBV.

Релативно едноставните кола им овозможуваат на корисниците на компјутери да генерираат аналогни напони под софтверска контрола, која што, без сомневање нуди интересни можности за интелигентна контрола, на пример на подесувањето на јачината на звукот на аудио засилувач, контрола на светло и слично. Колото е базирано на интегрираниот DA конвертор ZN 426.

На страниците од ова списание или на страниците од некое странско списание или книга, сигурно сте сретнале повеќе електрични конструкции на аудио миксети. Во овој текст повторно е дадена една електрична шема на аудио миксета реализирана со дискретни компоненти. Многумина од вас сигурно сметаат дека "нешто" не може да биде "добро и квалитетно" ако не содржи повеќе интегрирани кола, голем број на компоненти и ако не се напојува од извор на симетричен напон - посебно во аудио техниката.