По разгледувањето на писмата од читателите во кои се изразени нивните желби за проекти кои сакаат да бидат објавени во ЕМИТЕР, мене ми падна задачата да подготвам проект за алармна сирена, која ќе може да се искористи и за други намени. На почетокот помислив дека овој проект нема да претставува некој поголем проблем, но подоцна не излезе така.

Нашиот читател Владимир Наумовски навистина се потрудил да направи добри звучници – и на изглед, и на звук. Убавата боја и солидната (надворешна) изработка го прават овој звучник украс за секој дом. Употребени се бас-звучникот Simsonik PC 820 P со поликарбон мембрана и високотонецот Simsonik YDQG 5-2. За успешноста на практичнта изведба, резултатите од мерењата на звучниците, како и нашите сугестии за подобрувања може да се информирате во продолжение на овој напис.

Италијанската компанија RCF, иако произведува и Hi-Fi звучници за домашна употреба, сепак е најпозната по своите многу квалитетни професионални звучници за разглас.

Како што можете да заклучите од самиот наслов , овој аларм со помош на ултра звук треба да го открие евентуалното движење во просторот кој се чува. Предноста на овој аларм е во тоа што просторот се чува без разлика од која страна ќе влезе несаканиот посетител, а со тоа се елиминира употребата на безброј прекинувачи што е случај со другите типови на аларми.

Во ова продолжение од курсот за практична електроника се запознаваме со транзисторите и видовите на транзистори. Од нив подетално ќе ги разгледаме биполарните транзистори, нивната градба, видовите на биполарни транзистори и принципот на работа.

Двоканалната стереофонија е најшироко распространета пред сè поради техничко-комерцијалната остварливост кај најширокиот круг слушатели. Сигурно не може да се каже дека таа ги задоволува и најпробирливите слушатели. Впрочем, една од човечките доблести е постојано да истражува нови можности за подобрување на нештата. Во поновите и позначајните обиди за подобрување на двоканалната стереофонија спаѓа трансауралното стерео.

Освен многуте засилувачи што беа објавени во ЕМИТЕР за употреба во домашни услови имаше објавено и проекти на засилувачи што можат да се употребат во автомобил. Единственото ограничување за засилувачите што би требало да работат во автомобилот е нискиот работен напон од околу 12 - 15 волти, при кој максималната моќност е лимитирана на околу дваесетина вати.