Интелигентниот "Night Vision" систем на Хонда (Honda) е систем кој првенствено треба да помогне во намалувањето на застрашувачките бројки за настрадани пешаци во сообраќајни незгоди. Овој систем го лоцира пешакот во ноќни или во други услови на намалена видливост и го предупредува возачот да преземе соодветни активности пред да налета на него.

Оваа година многу малку ќе недостасува за да бидеме сведоци на уште еден спектакуларен настан, каков што беше транзитот на Венера на 8 јуни 2004 г. На 23 јули 2005 година, точно во 18:52 часот, Сатурн ќе се приближи на само 1 аглова минута од дискот на Сонцето, но сепак недоволно за "контакт од трет вид". Доколку планирате да го набљудувате овој настан, никогаш не гледајте во Сонцето без филтри и соодветна заштита.

Мисиите Војаџер му го претставија на човекот она за кое тој копнееше неколку векови - првите фотографии одблизу на поодалечените соседи на планетата Земја во Сончевиот систем. Меѓутоа, таа фантастична слика само ја продлабочи мистеријата која во себе ја кријат овие гасовити џинови, и му укажа на човекот дека доколку сака да дознае нешто повеќе за нив ќе мора во иднина да планира мисии кои ќе вршат испитувања одблизу.

Полската фабрика Tonsil има долга и успешна традиција на производство на квалитетни и евтини звучници. Овој проект користи Tonsil бас/средностонец и високотонец, во едноставна компресиона звучна кутија, со релативно едноставна и евтина свртница.

Каналот за синхронизација содржи две гранки: вертикална синхронизација и хоризонтална синхронизација. Заеднички дел на двете гранки е склопот на почетокот, а тоа е сепараторот на импулсите за синхронизација, со кој се одделуваат импулсите за вертикалната и импулсите за хоризонталната синхронизација, прво од сложениот видеосигнал, а потоа и меѓусебно. Може да биде од полза да се навратите на ЕМИТЕР бр. 3/04 и да ја освежите меморијата на оваа тема!

Мултимедијалните уреди од типот на "другарчето" (Buddie) од Елит Груп (Elite Group), не се долго присутни на македонскиот пазар, но, пред сé, благодарејќи на својата компактност и практичност повеќе од сигурно е дека набргу ќе прераснат во пазарен хит. EZ Buddie D21 I4-3 може да извршува повеќе функции и тоа да работи како обичен ФМ-радиоприемник, ДВД-плеер, персонален компјутер, како и прегледувач на фотографии од мемемориски картички.

Тестирањето на компјутерските компоненти, колку и да изгледа едноставно, сепак, е тешка работа. Но, постои една компонента која ретко се тестира, ретко се пишува за неа, а и кога би напишале нешто корисниците не посветуваат доволно внимание. Станува збор за изворот на напојување, неопходна компонента за секој компјутер.

Откако претставувањето на новите Интелови процесори и чип-сетови беше проследено со агресивна маркетинг кампања, кон средината на оваа година се појавија и новите процесори на АМД, поточно подобрени верзии на моделите од Athlon серијата, овојпат базирани на новата 939-пинска технологија. Заедно со нив, на пазарот започнаа да се појавуваат матични плочи кои ја поддржуваат оваа нова технологија. Една од нив е и AV8, новиот модел на Абит.

Најновите истражувања покажуваат значителен прогрес во полето на пластичните влакна со градиентен индекс на прекршување. Имено, се постигна проток од 10 Gbit/s на досег од 100 m со што пластичните влакна стануваат сериозен кандидат за медиум кој може да се користи во најновата 10 Gb Етернет мрежна технологија.

Врвот на воздухопловното моделарство се, секако, радиоуправуваните (РУ) модели. Во изминатиот период претставуваа привилегија само на постари и проверени членови на воздухопловните организации. Но, со тек на времето станаа достапни за секој вљубеник на воздухопловните радиоуправувани модели, без разлика на старосната граница и полот.

Во многу каталози за електронска опрема (Conrad, Maplin) можат да се сретнат најразлични уреди за контрола на релеи со помош на компјутер. За таа цел обично е искористен паралелниот порт на компјутерот и преку посебна програма е можно да се врши вклучување и исклучување на споменатите релеи. Се разбира дека преку релеите може да се контролираат разни други уреди.