Во многу каталози за електронска опрема (Conrad, Maplin) можат да се сретнат најразлични уреди за контрола на релеи со помош на компјутер. За таа цел обично е искористен паралелниот порт на компјутерот и преку посебна програма е можно да се врши вклучување и исклучување на споменатите релеи. Се разбира дека преку релеите може да се контролираат разни други уреди. Во овој број ќе стане збор токму за еден таков уред, кој може да се употреби за контрола на некој процес во индустријата, за програмирано палење-гасење на диско или рекламни светилки, палење-гасење на електрични уреди во домаќинството и што уште не.