Конструирањето на звучници наменети за гласно озвучување на голем простор (Public Address - PA) обично е сврзано со многу компромиси. Звучникот треба да биде со голема ефикасност и моќност, доволно длабок бас, мали димензии, мали изобличувања и по можност да не е многу скап. Сé ова заедно е невозможно да се постигне. Затоа треба внимателно да се испита намената на тие звучници и околностите на експлоатација, па дури после да се одлучи со кои карактеристики може да се направи компромис.
Еден пример за ваква добра подготовка е звучникот Mini PA 5.5/60. Тој е наменет за озвучување на презентации, пригодни говори и слично, но со можност и за добра репродукција на музика (во паузите или после говорот).