Метрономот како што добро знаат музичарите а посебно оние кои учат да свират на некој музички инструмент е уред кој дава соодветен музички такт, помагајќи му на тој начин на лицето кое музицира побргу да “фати” чекор со ритамот на музиката. До сега најмногу се користеа механички метрономи кои претставуваат еден вид саатен механизам кој дава соодветен такт, чија брзина може да се регулира преку посебен тег. Електрониката и во оваа област навлезе длабоко. Веќе постојат комерцијално изработени електронски метрономи со голема точност на тактот, регулирана со посебни кварцни осцилатори. Електронскиот метроном кој јас го изработив иако едноставен по својата конструкција во однос на фабричките, соема одговара на својата намена во што ќе се уверат многумина кои ќе го направат.