Ако досега ви се здодал едноличниот тон кој го генерира вашиот телефонски апарат, проследете го следниот текст во кој ќе наидете на едно многу едноставно решение на овој проблем. Овде е претставен уред кој има улога да произведе двотонски сигнал кога на телефонската линија има сигнал на ѕвонење. Покрај тоа во одредени граници можете по своја желба да го менувате генерираниот сигнал како што вас ви одговара. Уредот за да биде мал и едноставен ја искористив напредната технологија каде сите потребни елементи се поставени во едно минијатурно интегрално коло.