Некои автомобили имаат фабрички вграден тонски индикатор кој се огласува кога некој од битните параметри на моторот, внатрешноста или надворешноста на автомобилот ќе се поремети или ќе откаже. Покрај тонскиот индикатор може да се постави оптички кој ќе ја прецизира местоположбата на конкретната промена. Но сепак визуелното пратење на оптичките покажувачи при возењето би го одвлекло вниманието од сообраќајот и од состојбата на патот. Затоа се потрудивме за сопствени потреби, а и за евентуалните потреби на читателите на Емитер да изградиме тонски индикатор кој нема да го одврати вниманието при возењето, а сепак ќе не извести за оние промени кои сме ги предвиделе однапред за да бидат контролирани.