Малите аудиозасилувачи се составен дел на сите мали радиоприемници и касетофони, но и други уреди како метал детектори, сигнал трасери, мали аларми, детски играчки и слично. Постојат многу начини како да направите мал аудиозасилувач, но кое решение ќе го одберете сепак зависи од вашите потреби и вашето знаење. Иако едноставни по конструкција, малите аудиозасилувачи (посебно оние во дискретна техника) често пати претставуваат проблем за неискусните конструктори. Тука ви претставуваме еден мал универзален аудиозасилувач во интегрирана техника кој е со едноставна конструкција, проработува "од прва", има добри карактеристики и можат успешно да го изработат дури и почетници.