Потребни се само неколку евтини компоненти, малку слободно време, добро расположение и секако "ЕМИТЕР" за да направите мал и едноставен, но сепак квалитетен инструмент кој на едноставен начин ќе ви покаже дали некој спроводник е под мрежен напон. Детекторот е толку чувствителен што спроводникот под мрежен напон (спроводникот на кој е приклучена на фаза) може да го детектира дури и ако тој се наоѓа во ѕидот. Ова е корисно доколку сакате да закачите слика на ѕид, а не сакате да добиете афрофризура, или пак ако сакате да смените дел од електричната инсталација без да го прекопувате целиот ѕид.