Емитер 5/2010.
Нарачајте го овој број или најавете се за да ја прочитате целата статија.
Честопати се прашуваме што сè треба да се контролира на нашето возило и на колку време или изминати километри да се замени одреден дел или погонска течност (масло, антифриз, течност за кочници…). На ова прашање универзален одговор нема, а проблемите особено се изразени кај постарите возила. Грубо речено, одговорот лежи во квалитетот на деловите и погонските течности што ги користиме, намената за која се користи возилото (комерцијално, доставно или за лична употреба), начинот на возење (нормално или спортско) и начинот на одржување на возилото (превентивно одржување, т.е. редовен сервис или ќе одиме на сервис откога ќе се расипе возилото). Сепак, ќе се обидам во кратки црти и ориентационо да понудам едно размислување по ова прашање – нешто што секогаш треба да го имате на ум.
Доколку одржувањето на нашето возило го довериме на овластен сервис, тогаш нема потреба да водиме сопствена евиденција што е заменето, кога е заменето и кога треба да е следната замена на одреден дел или погонска течност. Во овластените сервиси редовното одржување на возилото е на база на изминати километри, т.е. превентивно, така што наша обврска е само на одреден број на изминати километри или временски период пропишан од производителот на возилото да го посетиме сервисот и таму сè ќе биде прегледано, и по потреба заменето. Евентуалните наши сугестии ќе бидат земени предвид, меѓутоа што ќе се провери и ќе се замени зависи исклучиво од бројот на изминати километри, а ние за возврат добиваме гаранција дека возилото беспрекорно ќе функционира сè додека го преферираме таквиот начин на одржување (исклучок е општата дотраеност на возилото и евентуални ретки дефекти од типот на можни кршења на одредени делови поради замор на материјалот или преоптоварување и наше нередовно контролирање на погонските течности). Се разбира дека ова важи за возило кое нормално (домаќински) се користи.
Ако одржувањето го довериме на "обичен" сервис, тогаш и ние, како корисници на возилото, индиректно сме инволвирани во неговото одржување. За што се работи? Најнапред, потребно е да водиме евиденција кога (број на изминати километри и датум) била извршена замена или преглед на одреден дел или погонска течност и, втората работа е, доколку се жалиме на одреден дефект, тропање во моторот тоа кратко и јасно да го опишеме на мајсторот. Со тоа му даваме јасна насока каде да го бара дефектот и/или да го потврди своето сомневање (дијагноза). Доколку, пак, се работи за обичен сервис (замена на определена погонска течност и сл.) тоа да се изврши во предвидениот термин: не предвреме (со што би го заштитиле домашниот буџет), а никако подоцна (со што ризикуваме појава на потежок дефект или придонесуваме нашето возило да не е безбедно за сообраќај).
Доколку, пак, самите се грижиме за исправноста на своето возило, тогаш податоците и кратките објаснувања кој ќе ги најдете во текстов ќе ви бидат од голема полза како ориентир за исправно и редовно (навремено) одржување на возилото. Ќе ги набројам и кратко ќе ги прокоментирам само основните зафати со кои најчесто се среќаваме при редовното рутинско одржување на возилото.
Испуштање на масло. Секогаш депонирајте го старото масло на соодветни места одобрени за таа намена
Рачната пумпа е незаменлива при долевање на масло во менувачот или диференцијалот
Ова е само дел од статијата која во целост е објавена во Емитер 5/2010. Нарачајте го овој број за да ја прочитате целата статија, а ако веќе го имате купено електронското издание најавете се за да го прочитате.