Овој склоп е дизајниран да вклучува светилка со мала моќност кога се стемнува (во квечерина) и да ја исклучува при разденување. Тој може да се употреби, на пример, како предупредување за евентуален крадец, на тој начин што ќе остави впечаток дека во ноќните часови станот не е празен, или за автоматско вклучување на осветлување на разни простори ноќе. Со мали модификации тој може да се употреби и како аларм за медицинското шкафче и да дава предупредување кога тоа е отворено. Со промена на светлинскиот сензор со топлински сензор, тој може да се употреби за контрола на температурата (термостат).