Емитер 4/2007.
Нарачајте го овој број или најавете се за да ја прочитате целата статија.
Опишаниот проект претставува едноставен електронски уред, кој дополнително се вградува во постоечкото напојување на компјутерот со цел да обезбеди електронска пренапонска заштита на составните компоненти на компјутерот: матична плоча, процесор, хард диск, меморија, дискетна единица, CD и DVD-драјв. Брзо и целосно го заштитува вашиот компјутер од неисправности во напојувањето, кои резултираат со зголемување на некој од напоните кои можат трајно да оштетат некоја компонента од вашиот персонален компјутер. При зголемен излезен напон во некоја од секциите на напојувањето, уредот брзо го краткоспојува излезот на соодветниот дел од напојувањето, па наместо да ја замениме прегорената скапа матична плоча или хард диск, вршиме само замена на евтин топлив осигурувач во напојувањето.
На слика 4 и во текстот има грешка во описот на распоредот од напонскиот приклучок за CD-погон, каде стои дека црвената жица е под напон од 12V, а жолтата со напон од 5V, а треба да биде обратно - и на сликата и во текстот. Значи, правилно е: црвената е +5V, а жолтата е +12V. Иако веруваме дека секој кој ќе го изработи уредот при вградувањето лесно ќе ја уочи грешката (со мерење на напоните), сепак, должиме извинување за читателите и благодарност до читателот Милан Коцевски од СЕТУ "Михајло Пупин" кој прв ја забележа грешката.
За среќа, спомнатата грешка не може да му наштети на компјутерот. Имено, ако конструкторот пред вградувањето не ги провери напоните на конекторот и не ја открие грешката, тогаш заштитата за 5V по грешка ќе биде поврзана на водот за 12V, па при вклучување веднаш ќе прегори осигурувачот. Целата штета би била само прегорување на еден единствен топлив осигурувач од напојувањето на компјутерот, како доказ дека заштитата работи и дека е направена грешка во поврзувањето.
Ова е само дел од статијата која во целост е објавена во Емитер 4/2007. Нарачајте го овој број за да ја прочитате целата статија, а ако веќе го имате купено електронското издание најавете се за да го прочитате.