Емитер 205 - 11/2022.
Нарачајте го овој број или најавете се за да ја прочитате целата статија.
Развојот на видеокомпресиите овозможи нови изведби кај телевизиските системи. NDI протоколот го поедностави меѓусебното поврзување на аудиовизуелните уреди и даде можност за нивна употреба во продукцијата на големи растојанија, таканаречената „далечинска продукција” (Remote Production).
Дополнителен метод со кој може да се постигне оптимизација во однос на сигналната инфраструктура во телевизиските системи е применувањето на NDI (Network Device Interface) протоколот за менаџирање на видеосигналот. Всушност, станува збор за транспорт на видеосигналот во NDI формат, кој се базира на користење IP (Internet Protocol) низ класичните компјутерски мрежни системи.
Блок-дијаграм на класичен систем за контрола на студиски камери
NDI начинот за пренос на видеосигналот се појавува во 2015 година, како патент на познатиот американски производител на професионална телевизиска опрема (Broadcast TV Equipment) NewTek, презентиран на IBC 2015 (International Broadcast Conference) во Амстердам – Холандија. Првиот уред кој го користеше овој протокол е NewTek – TriCaster, видеосвичер (миксер) кој функционира на софтверска платформа инсталирана на компјутерска единица. NDI начинот за пренос на дигиталниот видеосигнал користи посебна софистицирана компресија на видеосигналот што овозможува транспорт на сигналот со висок квалитет. Согледувајќи го големиот потенцијал на NDI преносот, подоцна, во 2016 година, голем број останати компании го прифатија и го имплементираа овој протокол во своите аудиовизуелни уреди за професионално (Broadcast) користење во телевизиските системи.
Блок-дијаграм на систем за далечинска контрола на студиски камери
Овој начин на меѓусебно поврзување на аудиовизуелните уреди дава значителен финансиски бенефит при изведбата на телевизиските системи. Цената и инсталацијата на мрежните компјутерски спроводници (кабли) е значително пониска во споредба со коаксијалните HD спроводници (кабли). Најголемото поедноставување е, всушност, избегнувањето на уредите за дистрибуција и пренасочување на видеосигналот, односно избегнување на видеоматриците. Покрај високата цена, тие имаат и комплексна инсталација, земајќи предвид дека речиси сите видеосигнали треба да се приклучат во неа. Мрежната инфраструктура пак исто така може да се реализира на повеќе леери (нивоа), со што користејќи ги нејзините можности, сепарацијата на текот на видеосигналот едноставно се менаџира преку софтверските апликации за контрола на мрежните свичери.
Блок-дијаграм на систем за далечинска контрола на студиски камери
Блок-дијаграм на класичен систем за контрола на студиски камери
Ова е само дел од статијата која во целост е објавена во Емитер 205 - 11/2022. Нарачајте го овој број за да ја прочитате целата статија, а ако веќе го имате купено електронското издание најавете се за да го прочитате.