Речиси 50 години IBC (International Broatcasting Conference) претставува место за промовирање на новите достигнувања во областа на аудиовизуелните технологии. Почнувајќи од Англија, во далечната 1967 година, IBC го сочинуваа само 500 делегати и не повеќе од 32 компании што ги изложуваа своите иновации во аудиовизуелните технологии. Само неколку години подоцна, IBC почна континуирано да расте и да се сели во поголемите градови низ Англија, трагајќи по доволен капацитет на хотелски соби и простор за презентација на компаниите што доаѓаа од целиот свет. Во 1992 година, по долги анализи IBC се стационираше во RAI Амстердам, каде што и денеска се одржуваат најзначајните конференции во оваа област, предводени од светските здруженија како: IABM, IEEE, IET, PTS, SCTE и SMPTE. Оваа година, овој централен настан се одржа од 8 до 13 септември.