Не поминаа речиси ни 3 години отка­ко SONY, еден од најголемите произво­ди­тели на аудиовизуелни уреди, ја пре­зен­тираше првата изведба на кам­кор­дерот VENICE, а веќе оваа година се појавува неговата 7-ма модификација. Во февруари оваа година во Скопје, благодарение на АВЦ – Скопје компанија која е лидер во увоз и интегрирање на професионална аудио и видео опрема во нашата држава, беше организирана не­говата промоиција. Покрај можноста да се види и да се “проба” на некој начин оваа кинематографска камера, беше презентиран и новиот камкордер FX9, кој претставува нова генерација на 6К камкордери. Покрај основниот сет кој се декларира како основен за работа, беа прикажани и дополнителните уреди со кои овие камкордери стануваат навис­тина одлични алатки во филмската и во телевизиската продукција. Мора да ис­так­неме дека сè поголемата продукција, особено на водечките светски продук­циски куќи, наметнува нови правила и стандарди во аудиовизуелните дела, со што производителите се во постојана трка на стандардизација кај своите пос­тоечки и нови производи. Ќе напоменам дека продукциската куќа Netflixx во 2018 година потпиша 240 нови филмови, серии и ТВ шоу емисии само на амери­канскиот пазар. Во 2019 година оваа бројка се зголеми за 56,4%, или 371 нови серии, филмови и ТВ шоу емисии. Согле­дувајќи ги овие податоци, без да навле­гуваме во подлабоки анализи и кај дру­гите продукциски куќи, ќе сфатиме дека кинематографијата со воведувањето на електронскиот запис и новите кам­кор­дери кои веќе ја имаат одамна „забора­вено” филмската лента, се иднината на филмската продукција.

Можеме да кажеме дека Сони ја за­почна трката во филмските камкор­дери во 1999-та година со моделот HDW-F900, кој беше специјално дизајниран за Џорџ Лукас и “Војната на ѕвездите”. И покрај тоа што веќе конкурентните компании многу порано почна развој во оваа об­ласт, уште од самиот почеток се насету­ваше дека сепак Сони ќе го стигне нив­ниот чекор многу брзо. Потоа следеа моделите HDC-F950 и F23 кои се поја­вија во 2006 и 2007 година. Моделот F35 во 2008-та година беше и првиот модел на пазарот кој имаше таканаречен Super 35mm Movie сензор. Во 2010-та година беше презентиран PMW-F3 кам­кор­дерот кој мислам дека беше толку баран на пазарот, што Сони не можеше да ги задоволи побарувањата на продук­циските куќи во тоа време. Конечно, во 2011 година се појави и револуцио­нер­ниот модел F65 кој беше посебно раз­виен за филмските потреби на продук­цискиот пазар. За разлика од него, мо­делот PMW-F55 и комерцијалната верзи­ја F5 се појавија во поголем тираж и поекономична цена, со што го позицио­ни­раа своето место во палетата на свет­ските кинематографки камкордери.