Под управување со автомобилот ќе подразбираме способност на автомобилот за маневрирање, како и движење по произволна траекторија, односно пат по кој може да се вози и право и во кривина. Вообичаено, класично или стандардно решение за обичните автомобили е управувањето да е реализирано со можност за завртување само на предните тркала. При ова се добива некое задоволително и евтино решение погодно за обичниот автомобил од кој не се бараат некои повисоки управувачки перформанси. Секако, доколку од автомобилот се бараат високи маневарски способности, како и висока стабилност во свијоци, се прибегнува кон управување со сите четири тркала. Тука би напомнал и дека сè што ќе биде кажано во продол-жение на текстов исклучиво се однесува за автомобилите со вкупно четири тркала, т.е. две оски.