Дали во вашите самоградби имате потреба од прецизен референтен напон со вредност што не е опфатена со некој од фабрички изработените дискретни стандардни стабилизатори? Обидите со комбинирање батериски ќелии од типот оловна, никел-кадмиумска (NiCd), никел манган хидроксидна (NiMH), се ограничени со расположливиот простор за нивното сместување, но и со вредноста на напонот на нивните приклучоци. Неспорно е дека напонот на приклучоците на една таква батерија се менува во зависнот од состојбата на нивната испразнетост, струјата што ја даваат и од нивната внатрешна отпорност. Друга можност за добивање стабилен напон е примена на напонски стабилизатори од типот 78xx (7805, 7812, 7824) со дополнителни елементи за регулација, но нивната стабилност се движи во границите од 10%. Поставеното барање може да се реши со примена на општо познатиот дискретен напонски стабилизатор со напонска регулација TL431. Овој стабилизатор има опсег на регулација од 2,5V до 36V, со степен на стабилност на излезниот напон од 1%, но голем број производители ги подобруваат овие карактеристики, односно, ја симнуваат долната граница на опсегот на 1,25V.