Многу пати ни се случило кога сакаме нешто да залемиме и кога сакаме да го вклучиме лемилото да забележиме дека лемилото воопшто не било исклучено по неговото последно користење. И се разбира тогаш ни текнува за последиците кои можеле да настанат ако лемилото паднало на подот или на масата на која е поставено. Затоа функцијата на овој уред е лемилото автоматски да се исклучи ако после подолг временски период не го подигнуваме од неговото лежиште. Покрај оваа улога контролерот ја намалува моќноста на лемилото на половина кога истото ќе се постави во неговото лежиште.