Дали носталгијата може да произведе комерцијален ефект? Одговорот е негативен. Како доказ го приложувам Фолксвагенот Битл или новата Буба која не направи некој позначаен комерцијален успех. Тука е и Мини Морисот кој исто така не се прослави. Интересен е Спачекот од Ситроен кој сè уште е во фаза на студија и никако (веќе 20 години) да излезе од цртачките табли на дизајнерските студија на Ситроен. Дигресија: Ситроен е изгорен од комерцијално непромислени модели на автомобили и преголеми непресметани комерцијални ризици и затоа се најде во прегратките на Пежо и сега е многу мирен, промислен и податлив за соработка... Но, овие судбини не допираат до ушите на проф. д-р Александар Бјелиќ (инженер во додипломсите студии и економист во докторските студии и професионално длабоко инволвиран во германската автомобилска индустрија) и како балканец во кого крвта врие се зафати да го обнови згаснатиот бренд YUGO.