Според објавата на компанијата, корисниците не треба да имаат програмерско предзнаење. Како примери, Google ги наведува апликацијата за следење на статистиката на локална рекреативна лига или семеен планер прилагоден на секојдневните обврски на едно домаќинство.

Како функционира изработка на лични апликации?

Google овој начин на работа го опишува со изразот „vibe coding“, што подразбира изработка на апликации со помош на вештачка интелигенција и упатства од корисникот.

Новата можност го отстранува вообичаените чекори потребни за објавување апликации на Google Play. Корисниците не мора да отворат програмерски акаунт, да ја платат регистрацијата или да поминат стандардниот процес на објавување за да ја инсталираат апликацијата на својот уред.

Во почетната фаза апликациите ќе можат да се инсталираат исклучиво на уредот на лицето што ги направило. Ќе останат приватни и нема да се појавуваат во јавниот каталог на Google Play. Ќе може ли апликациите да се споделуваат со други? 

Споделувањето не е достапно во првата верзија на оваа функција. Google најавува дека во текот на наредните месеци ќе овозможи приватно споделување на лични апликации со помал круг пријатели и членови на семејството. До тогаш, направените апликации ќе останат ограничени на уредот на нивниот автор. 

Можноста за создавање на лични апликации во моментов е наменета исклучиво за корисници во САД кои имаат најмалку 18 години. Компанијата не објавила кога би можело да стане достапна во други држави или за други возрасни групи. 

Што е потребно за инсталирање на телефон?

Корисниците кај кои новата можност станува достапна, прво треба да проверат дали на телефонот го имаат најновото ажурирање на продавницата Google Play.

Потоа ја креираат апликацијата во алатката Google AI Studio, најавени со обичен Google профил, а завршениот проект го инсталираат на телефонот преку Google Play.

Потоа можат да ја отворат и користат апликацијата на својот уред. Ажурирањето се воведува постепено, па достапноста зависи од тоа кога ќе стигне до конкретниот профил.

Кои други новини пристигнуваат на Google Play?

Креирањето лични апликации е дел од поширокото ажурирање на Google Play. Функцијата Ask Play сега овозможува споредба на слични апликации, со преглед на нивните клучни разлики и кориснички впечатоци.

Ако авторот подоцна одлучи да ја направи апликацијата јавно достапна, ќе може да ја префрли на професионален програмерски акаунт. Исто така е најавена и функцијата Play in Gemini, која наскоро ќе носи препораки за апликации и игри во разговорите со Gemini.

За љубителите на игрите, Google воведува Game Finder, кој врз основа на начините на играње и наведени интереси создава профил наречен 'Gamer DNA'. Неговото воведување почнува во САД.

Функцијата Sprints е достапна глобално и носи предизвици со траење од 48 часа за групи од два до пет играчи. Напредокот се следи преку новиот интерфејс Sidekick во играта, кој овозможува и снимање на клипови од играњето до 30 секунди, според Ghacks.

На Google Play ќе пристигнат и наслови како 'Dave the Diver' и 'Warhammer 40,000: Boltgun', со можност за пренос на сачуваниот напредок помеѓу Android уреди и компјутери.

Што новата опција овозможува за родителите?

Google додава и можност во рамките на сервисот Family Link која им овозможува на родителите да споделуваат со апликациите само приближна возраст на детето, наместо подетални лични податоци.