Samsung ја најави новата функција наречена Message Guard која на корисниците ќе им овозможи заштита од малициозен и од шпионски софтвер при таканаречените напади без кликнување. Од Самсунг велат дека решението „превентивно“ ги штити уредите на корисниците со „ограничување на изложеноста на невидливи закани маскирани како прилози за слики“.

Сатурн е познат по своите прстени кои се највпечатливите во Сончевиот систем. Но, иако оваа планета е лоцирана во нашето соседство и иако неговите прстени се проучуваат многу одамна, сепак тие сè уште кријат многу тајни. Но величествените прстени на Сатурн не се единствените што им задаваат главоболки на астрономите. Во Сончевиот систем има и прстенести системи што со своето постоење пркосат на досегашните сфаќања за нивно формирање. За што се работи?

Сателитските снимки открија дека страшните земјотреси што ја погодија Турција на 6 февруари создале два мошне долги расцепа во земјиштето. Двете огромни пукнатини во земјината кора се отворија во близина на турско-сириската граница. Расцепите ги набљудуваа и проучуваа истражувачи од Центарот за набљудување и моделирање на земјотреси, вулкани и тектоника (COMET) во Обединетото Кралство, кои ги забележале раседите со споредување на сликите од областа во близина на брегот на Средоземното Море, направени пред и по разорните земјотреси, од сателитите на ЕСА Сентинел-1 и Сентинел-2 наменети за набљудување на Земјата.

Научниците од Лабораторијата за микро, нано и молекуларни системи при Институтот за медицински истражувања Макс Планк и Институтот за инженерство на молекуларни системи и напредни материјали при Универзитетот Хајделберг создадоа нова технологија за составување на материја во 3Д. Нивниот концепт користи повеќе акустични холограми за да генерира полиња на притисок со кои може да се испечатат цврсти честички, гел-мониста, па дури и биолошки клетки. Овие резултати го отвораат патот кон нови техники на 3D клеточни култури со примена во биомедицинскиот инженеринг. Резултатите од студијата беа објавени минатата недела во научното списание Science Advances.