Во поглед на квалитетниот СФ оваа декада имаше што да понуди, буквално за сечиј вкус. ’80-тите ги проширија и надградија серијалите на Ѕвездени патеки (Star Trek), Војна на ѕвездите (Star Wars) и Лудиот Макс (Mad Max), а донесоа и мноштво незаборавни сај-фај класици – Вонземјанинот (E.T.), Гремлини (Gremlins), Летот на навигаторот (Flight Of The Naigator), Осмиот патник 2 (Aliens), Створ (The Thing), Враќање во иднината (Back To The Future), Терминатор (Terminator), Истребувач (Blade Runner), Трон (Tron), Предатор (Predator), Мува (The Fly), Истерувачи на духови (Ghostbusters), Тркач (The Running Man), да споменам само неколку од најлегендарните наслови од жанрот. Но, тука нема да зборувам за нив. Наместо ова ќе ви дадам препорака за неколку други помалку познати научно-фантастични филмови од оваа декада што сметам дека вреди да ги погледнете, иако специјалните ефекти не се ништо посебно ако се споредат со ова што го гледаме денес.
