Голем успех на Македонската репрезентација на Јуниорската Балканска математичка олимпијада 2023. Освен што нашите математичари се враќаат со златен медал од 27-мата Јуниорска Балканска математичка олимпијада, што само по себе е огромен успех, тие израдуваа со уште еден детаљ – Македонија е единствената земја која освои златен медал со максимален број на поени! Дополнителна радосна вест е што и една од задачите кои сите учесници ја решаваа беше македонски предлог (задача 1), во авторство на лидерот Никола Велов.

DESCOM 86 е џебен калкулатор произведен од RIZ (RIZ – Radio Industrija Zagreb), некаде во средината на 70-тите години. Ова е едноставен калкулатор кој може да ги извршува само четирите основни аритметички операции и да пресметува проценти. Има дисплеј со црвени светлечки диоди, со вкупно 9 цифри и може да се напојува од батерија од 9V или со надворешен адаптер за мрежен напон.

Остатоците од батискафот „Титан“ на океанското дно близу Њуфаундленд потврдуваат дека катастрофата се случила поради разурнување од имплозија на структурата на батискафот. Што претставува и како настанува имплозијата? Да се послужиме со еден едноставен и секојдневен пример. Ако земеме пластично шише и од него го извлечеме воздухот, тогаш шишето ефективно го товариме со надворешниот, атмосферски притисок на воздухот. Ова претставува спротивен случај на оптоварувањето со внатрешен притисок на гас кај резервоарите.

Рекреативниот центар Егзмут (Exmouth Leisure Centre), во југозападниот дел на Англија, користи мошне интересна иновација што му помага да ги намали сметките за греење на нивниот затворен базен. Имено, рекреативниот центар ја користи топлината што ја емитуваат серверите од малиот податочен центар сместен на оваа локација како извор за греење на водата во базенот.