Пред неколку дена на една австралиска плажа морските бранови исфрлија голем метален цилиндар и речиси моментално се појавија различни хипотези во врска со природата на овој мистериозен објект. Големиот метален предмет, чија природа и потекло сè уште не се знае, се насука на плажата во Грин Хед, Западна Австралија, и веднаш поттикна низа теории, некои дури и смешни, на социјалните мрежи. Австралиската вселенска агенција (АСА) се уште истражува а се шпекулира дека можеби станува збор за вселенски отпад, односно отфрлен дел од ракета

На 14 јули во рамки на одбележувањето на Денот на свесноста за ајкула и раите, кој секоја година се одбележува на овој ден, беше претставена нова тридимензионална, интерактивна онлајн изложба која има за цел да го оживее океанот со детални модели на ајкули и раи.

Температурите на воздухот, и оние околу 34°C, може да доведат до постојан раст на отчукувањата на срцето при влажни услови, се вели во една студија. Овој пораст, познат и како кардиоваскуларно напрегање, се случува дури и пред внатрешната температура на човекот да започне да се зголемува, покажа една неодамнешна студија.

Минатиот месец Бетелгез повторно се најде во фокусот на астрономите. Неговиот сјај се зголеми за 50% и некои научници во ова гледаат знак дека ѕвездата е пред експлозија. Имено, со секој нов поглед кон Бетелгез, ѕвездата оддалечена некаде помеѓу 500 и 630 светлосни години од нас и околу 135 000 пати посветла од Сонцето, растат шпекулациите за нејзината (повеќе или помалку неизбежна) експлозија во супернова. Но, без паника.Всушност, се наоѓаме на доволно големо растојание за да не трпиме последици. Имајќи го ова предвид би било навистина уникатен спектакл ако ни се пружи можност за набљудување на ѕвездата во нејзината експлозивна фаза.