Новата дигитална платформа Leonardo//thek@ ја дава на увид на јавноста најголемата колекција трудови на Леонардо да Винчи – Codex Atlanticus, достапна за истражување.

Минатата година бевме сведоци кога НАСА во соработка со Лабораторијата за применета физика при Универзитетот Џон Хопкинс намерно удри со летало во астероид оддалечен околу 11 милиони километри од Земјата. Сега, откако обемните податоци од овој експеримент беа темелно обработени, тие знаат дека би можеле повторно да го сторат истото, чин што би можел потенцијално да ја спаси Земјата.

Меѓународен истражувачки тим открил претходно непозната комора во Кеопсовата пирамида во Гиза. Уште во 2016 година, мерењата дадоа причина да се претпостави постоењето на скриена шуплина во близина на камените блокови поставени над влезот. Научниците од Техничкиот универзитет во Минхен (ТУМ) се послужиле со ултразвук и ендоскопија за да придонесат кон потврдување на оваа претпоставка. Статусот на египетската пирамида како една од најдобро истражените структури во светот му дава особена важност на ова откритие.

Поврзувањето на електронски модули сега станува детска игра. Еден меѓународен тим предводен од истражувачи од технолошкиот универзитет Нанјанг во Сингапур (NTU Singapore), разви универзален конектор што го прави склопувањето на растегливите електронски уреди лесно како градењето со Лего коцки.