Со почеток од 14 март 2023 година, Скопско Астрономско Друштво го организира редовниот Воведен курс по астрономија. Придружете им се, затоа што учењето со нив е забавно, а овие предавања се одлична можност да се запознаете и со работата на САД.

Секоја година American Consumer Reports објавува листа на најдобрите производители на автомобили, а оваа година BMW го освои првото место благодарение на особено добрите перформанси при возење и силните резултати од анкетирањето на сопствениците. Станува збор за студија во која се позиционирани 32 марки на автомобили врз основа на перформансите, безбедноста, издржливоста и доверливоста на нивните возила. Рангирањето може да биде од корист за купувачите затоа што им посочува брендови што се истакнуваат и некои на кои треба да им се пристапи со поголема претпазливост.

Една неодамнешна студија на проектот CARMENES објави податоци од преку 20 000 набљудувања направени во периодот помеѓу 2016 и 2020 година за примерок од 362 блиски поладни ѕвезди. Проектот има за цел да идентификува егзопланети слични на Земјата кои потенцијално би можеле да имаат вода на нивната површина, доколку се наоѓаат во т.н. „животна зона“ на нивната ѕвезда.

Инженерите од Државниот универзитет на Северна Каролина имаат предлог: додадете трета боја на зелената и црвената боја на семафорите. Со доаѓањето на автономните возила (АВ), нешто што, признаваме, сè уште претставува научно-фантастична утопија за нас, но е сè пораспространета реалност во некои американски градови - научниците предлагаат да се воведе и сигнализација со „бело светло“ (или која било друга боја), што би им овозможило на АВ да го контролираат протокот на сообраќај на раскрсниците. Деталите за идејата беа објавени неодамна во IEEE Transactions on Intelligent Transportation Systems.