Постојат бесконечно многу патишта во потрагата по интелигентен вонземски живот. Еден од нив е потрагата по нешто што астрономите го нарекуваат „технопотпис“, посреден технолошки доказ што го издава присуството на напредна вонземска цивилизација. Голем интерес во научната заедница неодамна предизвика потрагата по таканаречените Дајсонови сфери. Астрономите анализираат 7 потенцијални Дајсонови сфери – хипотетички структури кои се создадени од потенцијални вонземски интелигенции за да ја експлоатираат енергијата од ѕвездите...

Проф. д-р Тони Јаневски од Институтот за телекомуникации при Факултетот за електротехника и информациски технологии, Универзитет „Св. Кирил и Методиј“ во Скопје, објави нова книга со наслов „Future Fixed and Mobile Broadband Internet, Clouds and IoT/AI“ од светски реномираниот издавач Wiley – IEEE Press, која се појави на глобално ниво во април 2024 година.

Средношколци од десет средни училишта за техничко образование од Македонија, вчера на Факултетот за електротехника и информациски технологии (ФЕИТ) се натпреваруваа во практична примена на знаењата преку употреба на развојни микропроцесорски системи. Натпреварот е во рамките на проектот „Технологија за тебе“ организиран од ФЕИТ-ФАБЛАБ и Логинг Електроникс, кој вклучува и работилници, каде средношколците претставуваат проекти на кои работеле во текот на училишна година, додека нивните професорите следат обуки и предавања организирани од ФЕИТ. Целта е промоција на електротехниката преку обезбедување техничка и професионална поддршка на учениците и професорите.

На 18 јуни 2023 година, петмина патници во мини-подморницата Титан ги загубија животите на длабочина од приближно 3800 метри под морето. Трагедијата се случи крај брегот на островот Њуфаундленд, Канада, при обид за посета на потонатиот брод Титаник. Екскурзијата беше организирана од американската компанија OceanGate. Батискафот во кој се наоѓаа патниците имплодира, осудувајќи ги на ужасен крај. Нешто помалку од една година по несреќата, една студија од Универзитетот во Хјустон се обидува да ги расветли причините за трагедијата.