Овој миксер е производ на јапонската компанија FOR A и се произведува во нивната фабрика во USA Video Gainsvile. Својата Европска премиера на која присуствуваше и авторот на текстот ја имаше на IBC (International Broadcast Convention) изложбата во Амстердам во септември 1998 година.

Нашиот читател Петар Петровски од Скопје ни го донесе својот мал звучник и објасни дека го правел набрзина, без да обрнува многу внимание на изгледот. Во конструирањето на овој звучник Петар направил неколку грешки: избрал премногу евтин високотонец, не употребил RC компензација за линеаризација на импедансата на бас/среднотонскиот звучник, избрал премногу мал волумен на кутијата и не употребил добар материјал за дихтување. Но, да тргнеме со ред...

Во претходните броеви на ЕМИТЕР имавте можност да најдете проекти на неколку интересни засилувачи. Секој од овие засилувачи си има и предности, но и свои недостатоци. Сепак колку и да се добри засилувачите, најчесто кај нив не е предвидена дополнителна заштита за звучниците, кои можат да бидат оштетени и од засилувач кој е со неколку пати помала излезна моќност од номиналната моќност на звучниците. Ова значи дека и засилувач со излезна моќност од 40W може да оштети звучник од 100W.

Интерфоните се уреди кои во најголем број случаи се конципирани како еднонасочни. Со помош на специјалното копче кое се притиска кога сакате да зборувате се одвојуваат насоките помеѓу себе. Кај телефонските апарати, од друга страна, комуникацијата е двонасочна. Оваа погодност, на која сме веќе навикнати, беше основа за изработка на овој интерфон. Со овој уред можете слободно да зборувате и во моментите кога вашиот соговорник од другата страна го прави истото.

Во превод, CMOS значи комплементарен пар на MOS (FET) транзистори (Complementar Metal Oxide Semiconductor). Принципот на неговата работа може да се каже дека е аналоген со работа на засилувач во B-класа (или било која повисока класа која користи комплементарни транзистори): за времето на високиот дел на влезниот сигнал, еден од транзисторите води, а другиот е блокиран.

Во овој дел продолжуваме со запознавањето со видовите на диоди, а потоа ги разгледуваме и начините кои постојата за нивно обележување. За крај, ве информираме за тоа како да ја испитате исправноста и карактеристиките на диодата која сакате да ја употребите.

За мерачите на вртежи (тахометрите) кај бензинските мотори веќе е пишувано на страниците на ЕМИТЕР, бр. 1/97 и бр. 1/98. Основата на сите мерачи на вртежи е интегрирање на импулсите со константна ширина генерирани од моностабилен мултивибратор тригеруван под дејство на импулсите од прекинувачот на палењето, популарно наречен платина. Бројот на импулсите е еднаков на бројот на палења на свеќичките од моторот.

Со акустичката повратна спрега се внесува дел од акустичката енергија од звучниот систем повторно во тој ист систем. Неодамна, на пазарот се појави Profecta произведена од Philips, насловена како Acoustic Feedback Supressor (AFS). Philips посебно развил софтвер за оваа намена, кој претставува дигитален аудио алгоритам за обработка. Со него може да се елиминира акустичката повратна спрега во најразлични ситуации, посебно при озвучувањето на затворени простории.