За мерачите на вртежи (тахометрите) кај бензинските мотори веќе е пишувано на страниците на ЕМИТЕР, бр. 1/97 и бр. 1/98. Основата на сите мерачи на вртежи е интегрирање на импулсите со константна ширина генерирани од моностабилен мултивибратор тригеруван под дејство на импулсите од прекинувачот на палењето, популарно наречен платина. Бројот на импулсите е еднаков на бројот на палења на свеќичките од моторот. Со изградбата на овој уред сигурно ќе заштедите гориво и ќе го продолжите векот на моторот, се разбира доколку се придржувате на барањата за возење со оптимален износ на вртежи.