Што се однесува до мене, Renault на секој што ќе го купи Avantime може слободно да му додели членска карта за клубот на сопственици на незаборавни и неповторливи автомобили. Одам, нели, јас да си го подигнам мојот Avantime и потпишувајќи го приемот на автомобилот истовремено ја потпишувам и пристапницата.
- Да бе, да! И кога се разбуди, сон! - ми го прекинува мечтаењето "милозвучниот" глас на мојата животна сопатничка.

Додека јавноста со внимание ја следеше мисијата на Mars Pathfinder во текот на 1997 година, мисијата на Mars Global Surveyor (MGS), вселенското летало со тежина од еден тон лансирано кон крајот на 1996 година, остана во сенка. Но ако внимателно ги проучуваме фотографиите на многу мали делови од површината на "Црвената планета" кои н£ ги подари MGS, ќе откриеме многу од тајните на Марс и ќе сфатиме дека тој не е таков каков што сме си го замислувале претходно.

Сакате квалитетен звук, врвен квалитет и технологија, интересен и високостилизиран дизајн, мноштво од можности и опции и секако сè тоа да има пристојна цена. Размислувајќи во ист правец, ама имајќи ја цената како еден од приоритетите во изборот за овој тест, не можев а да не помислам на Marantz-овиот SR6200, уред кој би претставувал центар на Вашиот сараунд систем.

Бројачот на вртежи е важен инструмент во автомобилот, кој на возачот му дава информации како работи моторот, па со одредени корекции при возењето помага за заштеда на горивото, подобро искористување и долготрајност на моторот. Секој возач го знае значењето на бројачот на вртежи за автомобилскиот мотор, но возачите кои возат дизел автомобили можат апсолутно да ја потврдат потребата од овој инструмент во нивните возила. Моќноста на моторот не е правопропорционална со бројот на вртежите.

При конструкција на тајмери, фреквенциометри, бројачи и слично, се јавува потребата да генерираме временска база со фреквенција од еден херц. Тука ви претставуваме еден од начините како да го направите тоа. Решението се карактеризира со ниска цена, едноставност, голема точност (мала грешка), голема сигурност при работата и нема потреба од никакви нагодувања.

Основната идеја на компјутерската мрежа не е сложена. Таа може да се дефинира како два или повеќе компјутери кои се поврзани на начин кои им дозволува непречена комуникација односно примање и предавање на информациите меѓусебно и истовремено.

Од 23-27.04.2002 г. се одржа саемот ИНФОКОМ за информатичка технологија и телекомуникации а придружуван од саемите за аудио и видео техника и саемот за либрографика. На овој саем се појавија скоро сите македонски компјутерски фирми. Пишувам скоро сите бидејќи забележливо беше отсаството на некои поголеми фирми, како на пример Дигит компјутери и Форнет.

Да се пишува за радиоаматеризмот е потешко отколку со него да се занимава. Тоа првенствено е така затоа што радиоаматерските активности се многу различни по својата соджина и форма. Општо е прифатено дека радиоаматеризмот преставува организирана активност на поединци и групи насочена кон техничко истражување во областа на радиотехниката, оддржување на радиоврски и обука на подмладок, која се спроведува доброволно, од лично задоволство и без остварување на материјална корист.

Примена на гипс-картонските плочи претставува брз, лесен и едноставен начин во Вашиот станбен простор или во Вашите деловни простории да ја направите саканата распределба или измена на просториите, да обложите некој надворешен ѕид поради поставување на изолација, да поставите под или да направите репрезентативен плафон, а со тоа истовремено да внесете нов сјај и свежина во секојдневното престојување и работење.

Аудиофилите со нетрпение го очекуваа саемот AUDIO &VIDEO 2002, надевајќи се дека на едно место ќе ги видат (и чујат) сите најнови и најинтересни аудио уреди, претставени од сите застапници и дистрибутери во Скопје. Но, кога најпосле осамна тој долго очекуван ден, посетителите во Павиљонот ги пречекаа само 4 (и со зборови: четири) фирми за аудио опрема!