Кога се зборува за безбедноста на автомобилите се мисли всушност, на нивото на активна и пасивна сигурност, кои се нераздвојни параметри во сегашното поимање на автомобилската техника. Активната сигурност се базира на електронски и механички состави кои активно придонесуваат за безбедно возење и намалување на можноста да дојде до незгода. Оној момент кога незгодата ќе се случи станува многу битно постоењето и активирањето на пасивната сигурност со главна задача да го намали и ублажи ризикот од повредите на возачот и сопатниците во автомобилот. Најеклатантен пример за пасивна безбедност се воздушните перничиња.