Најновата, деветта по ред, генерација на Toyota Corolla е носител на титулата "автомобил на годината" во Македонија. Таа нема ниту малку лесна задача. Конкурентите се познати: Peugeot 307 (автомобил на годината во Европа), речиси истовремено претставениот Fiat Stilo и веќе етаблираните Fokus, Golf, Astra, Leon, Megane и Xsara. Ако кон овие се надоврзат и сонародниците Mazda 323, Nissan Almera и новата Honda Civic (автомобил на годината во Јапонија), друштвото станува комплетно.

Мир беше руска вселенска станица проектирана да овозможи услови за живот и работа на екипажите коишто орбитираат околу Земјата. Оваа станица во почетокот била само еден единствен модул кој имал седум порти на кои што можат да се приклучат други делови од станицата, а тие така претставуваат и место каде што разни летала можат да се спојат со Мир, како што е примерот со американскиот Спејс шатл.

Работата на кратки бранови отсекогаш претставувала посебен предизвик и големо задоволство за радиоаматерите. Главната причина за тоа е можноста за воспоставување на радиоврски на многу големи растојанија. Доколку имате желба да ги направите првите чекори на кратки бранови, во овој број ви нудиме градба на едноставен приеник за кратки бранови, наменет за прием на дифузни радиостаници.

Кај голем број потрошувачи на електрична енергија, струјата која што ја повлекуваат тие при вклучувањето е неколку пати поголема од номиналната т.е. од работната струја. Електричната шема на уредот која е овде прикажана, ја спречува оваа појава и наедно го заштитува и самиот потрошувач.

Компјутерските вируси се едни од најголемите опасности за сигурноста на компјутерите и компјутерските мрежи. Некои посебни дефиниции кои би го опишале компјутерскиот вирус не постојат, па затоа вирусите можеме да ги окарактеризираме како програми на кои примарна цел им е да направат што поголема штета на компјутерот кои што ќе го инфицираат, сеедно дали се работи за еден компјутер или пак мрежа од меѓусебно поврзани компјутери.

Класичната идеја за персонален компјутер, која најчесто означуваше некоја робусна кутија поставена на работна маса и мноштво кабли кои овозможуваат поврзаност и напојување, веќе е одамна надмината. Се јави потреба од независни и мали уреди кои ќе овозможат достојна замена за десктоп-компјутерите. Оваа потреба ја изнуди појавата на лаптоп-компјутерите, а подоцна и појавата на т.н. џебни компјутери.

Почетоците на паричното стопанство на територијата на Република Македонија датираат од крајот на 6 век пред н.е. Според откриените и публикувани наоди, може да констатираме дека населението од нашата територија мошне рано, за разлика од останатите европски народи, ги прифатиле парите како современо и практично платежно средство. И не само тоа...

Моментално на нашиот пазар кој е преплавен со најразлични модели на мобилни телефони можете да ги сретнете и телефоните на Шведската фирма Ericsson. Едни од најчесто купуваните модели се Ericsson T20 и Ericsson A2628. Можеби за ова допринесува фактот што овие модели се нудат во пакетите на Мобимак по исклучително поволна цена. Ниската цена посебно се однесува на моделот A2628 кој е претствник на “entry” моделите иако изобилува со доста напредни функции.

Кај нас многу малку се знае за потеклото на рибите, таксономската припадност и значењето за одржливиот развој на водните екосистеми. Затоа во натписот се наведени податоци и информации за потеклото, распространетоста и видовиот диверзитет на рибите во акватичните екосистеми во Македонија.

Во претходниот број започнавме со оваа нова рубрика за математичко-логички задачи. Значи, ние поставуваме задачи, Вие решавате и ни ги испраќате. Точните и оригиналните решенија ќе ги објавиме, а решавачите ќе бидат наградени со претплата на списанието, укоричени комплети, книги и други награди.

Common-rail технологијата направи вистинска револуција во поимањето за дизел-моторите. Како една од современите технологии за менаџмент на дизел-моторите заслужен е за елиминирање на недостатоците на класичните дизел-мотори, така што дискутабилно е прашањето за супериорноста на бензиските мотори за лесните патнички возила. Што е Common-rail, кои се неговите основни делови, како функционира…?