Моментално на нашиот пазар кој е преплавен со најразлични модели на мобилни телефони можете да ги сретнете и телефоните на Шведската фирма Ericsson. Едни од најчесто купуваните модели се Ericsson T20 и Ericsson A2628. Можеби за ова допринесува фактот што овие модели се нудат во пакетите на Мобимак по исклучително поволна цена. Ниската цена посебно се однесува на моделот A2628 кој е претствник на “entry” моделите иако изобилува со доста напредни функции. Во овој текст ќе имате можност малку подетално да се запознаете со овие модели и да ги погледнте нивните предности и недостатоци преку нашите искуства. Веруваме дека на овој начин поедноставно ќе се одлучите дали овие модели ќе ги задоволат вашите потреби и афинитети.