На сите ни е позната изјавата од типот: "Не го користам стариот фотоапарат, затоа што кај него треба рачно да се наместат сите параметри, а јас не сакам (или не знам) да го правам тоа, згора на тоа апаратот е голем, тежок и незгоден за носење, а и нема вграден блиц. " Во ваквата изјава не постои ниту еден добар аргумент, кој ќе ве спречи да му дадете шанса на стариот фотоапарат. За почеток ќе ги објасниме параметрите кои треба да се нагодуваат рачно, а откако ќе го сфатите нивното значење, ќе ви биде полесно да ги согледате предностите и можностите кои ви ги нуди ваквиот начин на фотографирање.