Во класата на мали млазни патнички авиони, леталото Лирџет 60 благодарејќи на големиот долет, внатрешниот комфор и малата бучава, претставува едно од најпопуларните летала во светот на бизнисот. Од неодамна, еден примерок од овој авион е во служба и на Владата на Република Македонија.

Колку добро ја познавате астрономијата? Мислам, колку навистина ја познавате? Комплетно, без сомневање, доволно да се обложите до последниот денар, 100 проценти апсолутно сигурни во тоа? Ммм... Сакате да се обложиме? На следниве неколку страници, ќе ви претставам пет астрономски појави, кои, иако ви се чинат обични, сепак не ви се доволно јасни. Да видиме колку навистина знаете, или колку мислите дека знаете, а всушност не знаете.

Судбината на Сончевиот систем е одамна позната: По 4,5 милијарди години нашето Сонце ќе згасне и целиот Сончев систем ќе биде без услови за живот. И судбината на вселената, исто така, е позната: Таа експандира акцелерациски (забрзувачки) кон бесконечна големина, темнина и студ со температура близу апсолутна нула (Big Freeze). А каква е судбината на човекот? ќе може ли тој во далечна иднина да ја колонизира вселената, дури и да се пресели во некој друг универзум?

Ако досега сте се изнагледале и изнакупиле Neo производи од типот на клима, ТВ, ДВД… сега имате прилика Neo да биде ваш мал преносен и неразделен пријател и тоа во вид на: USB мемориски диск/MP3/FM/гласовен снимач, сето тоа во едно!

Честопати сме сведоци кога некој со гордост го споменува името на својот професор од времето на школувањето. Исто така, често, се случува и професорот со гордост да го споменува името на својот ученик кој успеал во својот професионален порив. Во оваа втора група спаѓаат авторот на овие редови и познатиот тонмајстор Братислав Зафировски од агенцијата за звук "Скриениот змеј"

Ако имате прилика да отворите разводен орман на некоја посовремена машина, наместо голем број електромагнетски склопки за управување со електромоторите, ќе видите убаво дизајнирани кутии со тастери и дисплеј, наречени фреквенциски претворувачи со IGBT (Insulated Gate Bipolar Transistors – транзистори со изолиран гејт). Со овие претворувачи се обезбедува промена на брзината и насоката на вртење, константен момент на оптоварување и потребната заштита на моторот со кој се управува.

Во овој напис ќе проследите еден проект на моќен аудиозасилувач со интегрирано хибридно коло STK4038II од STK-серијата. Поради високото напонско засилување и вградената контрола за јачина на звукот, овој засилувач прави една комплетна целина во моноверзија. Во овој проект ППК е дизајнирана, така што на неа можат да се вградат повеќе типови кола од серијата STK, почнувајќи од STK4018II (Po=6W), па се до STK4044II (Po=100W).

Наместо класичното решение со кварцен осцилатор и соодветни делители, нудиме поедноставно и поевтино решение кое преку индуктивна врска (антена) го детектира мрежниот напон (кој има прилично стабилна фреквенција од 50Hz) и од него со помош на два бројачи 4017 создава правоаголен такт од 1Hz.

Невозможно е да направите корисничка програма во Microsoft Access, а да не го употребите Microsoft Visual Basic. Употребата на овој програмски јазик е неизбежна ако сакате да направите програм кој ќе биде услужлив и функционален. Пишувањето на кодот може да биде напорна работа и да одземе доста време. Но, затоа Access-от и во овој случај ви нуди помош преку волшебници (wizards), кои при нивното извршување автоматски го испишуваат кодот во заднината.

Нема потреба од многу коментирање, самиот наслов кажува многу. Научете нешто повеќе за најкористениот оперативен систем во светот, Windows. Ова се МАЛИ ТАЈНИ НА ГОЛЕМИТЕ МАЈСТОРИ!

Марихуаната е дрога со контроверзна историја. Ако му ја спомнете на еден човек, тој ќе си замисли наргиле и хипици. Ако му ја спомнете на друг, ќе го асоцира на релаксација и забавување на модерното лудило, а кај трет, пациент болен од СИДА или рак, спас од постојано повраќање и хронична болка. Марихуаната е сето ова и многу повеќе. Таа му е позната на секој човек без разлика дали е тој свесен за тоа или не. Секој човек, односно неговиот мозок си создава сопствена марихуана.