Несомнено е значајна улогата на фирмата Klark Teknik на полето на професионалниот аудиопазар, пред сé поради бележитиот успех на нејзините производи и нивната застапеност во студијата ширум светот. Според отстапувањето од стандардниот англиски правопис во името на фирмата, лесно се заклучува, и тоа погрешно, дека се работи за германска фирма; всушност, тоа е англиска фирма, формирана од англичани. Кои биле причините за ваквото отстапување не успеав досега да дознаам, но поважното е дека во прашање е фирма за респект.