Одбележувањето на 120-годишниот јубилеј на автомобилот секако дека нема да биде потполно ако не се осврнеме и на возилото од огромно историско, па и воено-политичко значење. Доволен е само фактот дека цела една автомобилска класа "народски" е именувана токму според неговото име и - сé е јасно. Како возило кое се појавува како резултат на потребите на Американската војска за време на Втората светска војна, Џип Вилис зазема посебно место во автомобилската индустрија.

Во минатиот број на Емитер ви го претставив соѕвездието Орион. Како што беше ветено, во овој број ќе продолжам со представување на некои од објектите кои се наоѓаат во него. Прво ќе се запознаеме со Орионовиот молекуларен облак, кој ги "обединува" добро познатите објекти од соѕвездието Орион, а потоа ќе започнеме и со дел од овие објекти - маглините Оган и М78.

Новата серија на реномираниот Wharfedale, едноставно именувана како Evo2, припаѓа во горниот дел од неговата понуда и содржи вкупно шест звучни кутии - две предвидени за поставување на статив, три самостоечки и еден централен звучник.

Насочувачите составени од мрежен трансформатор, диоден мост и кондензатор како филтер се едни од најчесто користените кола за добивање на еднонасочен напон од мрежата. За мали моќности, елементите се евтини и обично, поради сигурност, предимензионирани. За големи моќности, цената на елементите значително расте и не е сеедно каков елемент ќе се употреби во конкретната реализација.

Овој едноставен инвертор кој е евтин, практичен и се покажа како многу издржлив во досегашното практично користење, може да биде исто така и модел на кој и почетниците ќе можат да го развиваат своето искуство, но истовремено и да направат практичен уред кој ќе го користат при кампување или евентуален недостаток на електрична енергија за осветлување во домовите, работните простории, гаражите...

Веќе цели шест години Windows XP го зазема тронот при избор на најкористен оперативен систем во светот. Толку време им беше потребно на софтверските инженери на Microsoft да создадат нов оперативен систем. Првично познат под кодното име "Longhorn", за подоцна да му го променат називот во Виста, новиот и најверојатно најсовршениот оперативен систем издаден досега за персоналните компјутери, најпосле го виде светлото на денот.

Откако во претходните два броја на ЕМИТЕР ви покажавме како да ја испланирате содржината и да го дизајнирате изгледот на еден личен веб-сајт, а потоа и како да ги составите сите парчиња од мозаикот за да го добиете финалниот производ, личниот сајт на Мирко, во овој број вниманието ќе го насочиме кон претставувањето на вашето дело пред интернет-заедницата.

Во индустријата на графички картички NVIDIA GeForce 8800 GTX и NVIDIA GeForce 8800 GTS ќе останат запаметени по тоа што се првите кои поддржуваат DirectX 10. Овој факт, ја прави оваа серија на графички картички моментално единствен избор за корисниците кои сакаат максимално да ги искористат благодетите на новиот интерфејс што го понуди Microsoft во својот нов оперативен систем Windows Vista.

Концептот на веќе легендарниот модел RAZR V3 на Моторола доживеа ново освежување и на пазарот отсега ќе се препознава по името KRZR. Дизајнот и ексклузивната изведба, како основни и лесно препознатливи параметри, и натаму остануваат доминантни обележја, а сега се проследени и со адекватно подобрени технички карактерситики.

Теоретските резултати од студијата за ентропија на црните дупки сугерираат дека универзумот може да е сличен на гигантски холограм: 2-димензионална матрица, во која кодирано се содржани сите физички податоци за гледање 3-димензионална слика на универзумот.

Во минатиот број на ЕМИТЕР најдовме начин како да ги измериме основните параметри кои го опишуваат однесувањето на еден звучник. Параметри со кои можеме да предвидиме како истиот звучник би "свирел" во некоја веќе изработена кутија или обратно, каква е таа кутија во која истиот би свирел најдобро. Значи, првиот чекор е направен, останува уште да изодиме еден долг пат до крајната цел - квалитетна звучна кутија.