Кога не би биле тоа што сте, со големо задоволство животот би го минале бавејќи се со: 1. Политика; 2. Трговија на големо и мало; 3. Глупости; 4. С� што носи многу пари, па макар и незаконито; 5. Изработка на професионални аналогни аудиопроцесори.
99,999 % од оние што ни опкружуваат, од поставената анкета би заокружиле некоја од првите 4 дадени опции. Не сме тука да се бавиме со статистика и да навлегуваме во подробности за која опција би се гласало најмасовно, иако мислам дека на сите ни е јасно... Горан Јосифовски од Ресен е човекот кој ја заокружи опцијата бр. 5. И покрај тоа што е борхесовски сам во својата определба, ништо не го поколеба изминатите неколку години да ги помине во детална потрага по оригиналните шеми и делови, за на нашата јавност да и го понуди првиот професионален аналоген уред за динамичка обработка на звучниот сигнал - целосно изработен во Македонија!