Денес на пазарот постојат голем број на мрежни уреди кои служат за поврзување на два или повеќе компјутери или други кориснички уреди преку различни медиуми за пренос, какви што се бакарниот или оптичкиот кабел, или пак безжично поврзување преку етерот. При тоа, постојат значителни разлики помеѓу уредите наменети за големите корисници, кои се карактеризираат со високи перформанси и големи можности за нагодување согласно потребите на корисникот, но и висока цена, од една страна, и уредите наменети за домашни или мали бизнис корисници, кои се карактеризираат со сиромашни перформанси и без можности за нагодување, но и ниска цена, од друга страна. Целта на овој напис не е да ги претстави ниту едните ниту другите уреди, туку да ви презентира два интересни и специфични мрежни уреди кои со своите карактеристики можат да ги задоволат потребите на голем број корисници, и што е најважно по навистина ниски цени?! Но, да почнеме со ред...