Нашите читатели најмногу ги интересира темата звучници - тоа е резултатот од последната анкета. За да им излеземе во пресрет, направивме еден комплетен тест на звучникот Wharfedale Crystal 30. Комплетен тест - тоа значи тест со сите нишани: непристрасен слушен тест, мерен тест со професионален уред за аудио/акустички мерења (единствен активен во Македонија!), детална и стручна анализа и експертско мислење. Ваков комплетен тест не можете да најдете на друго место на Балканот!

Копнеењето по слобода во својот творечки порив е карактеристика на стамени и доблесни луѓе. За да стигнат до неа понекогаш се решаваат да ја напуштат родната грутка и да останат да копнеат по неа и да ги одржуваат врските, но претежно само во таа, прва, ударна генерација. Натамошните поколенија ја прифаќаат новата "родна грутка" како своја и наскоро, веќе во следните генерации, останува само споменот за потеклото на предците.

По предлог на нашиот читател Александар Илиоски, во текстот што следи, на едноставен и разбирлив начин во неколку чекори ќе ја објасниме постапката за пресметување на повеќеслојни воздушни калеми. Освен тоа, на крајот, ќе бидат дадени и неколку корисни совети за нивна практична изработка.

Внатрешното светло во автомобил се вклучува и се исклучува со прекинувач, вграден во вратата. Пожелно е, по влегувањето во автомобилот внатрешното светло да не се исклучува веднаш по затворањето на вратата, за да може полесно да се види местото каде што треба да се стави клучот за контакт во бравата. Овде ви предлагаме едноставни шеми со која ќе направите внатрешното светло да не се гаси веднаш по влегувањето и затворање на вратата на автомобилот.

Продуктивноста е клуч за опстанок во денешната секојдневна битка со конкуренцијата. Кога се мисли на вложените средства за производство и време, работна сила и материјали, може да се смета дека тука нема многу простор за оптимизација. На располагање се "само" 24 часа на ден, скапа работна рака и ретка заштеда при изборот на материјалите за производство.

Алатка која веќе 10-тина години наназад ги освојува симпатиите на своите приврзаници, конечно си го најде своето место и на страниците на списанието ЕМИТЕР. Сметајќи се себеси како еден од задоволните приврзаници се одлучив да ви го претставам Sambar Server во верзија 6.3. Немам некоја особена причина што се решив да ви ја претставам токму оваа верзија од серверот, едноставно дојде времето за тоа.

Денешните компјутерски вируси се пософистицирани и поагресивни од кога и да било досега. Благодарејќи на антивирусните програми сé уште можеме да ги чуваме своите податоци на компјутерот сигурни и без "инфекции". Но, секој ден станува сé потешко и потешко да се обезбеди таа сигурност и заштита на податоците. Во текстот што следи ќе бидат претставени десетте најдобри антивирусни програми за оваа година.

Panasonic DMC-TZ1 е најмалиот дигитален фотоапарат на светот кој поседува 10x оптички зум. DMC-TZ1, исто така, поседува и линеарен систем за автофокус со голема брзина и прецизност, оптички стабилизатор кој ефикасно го минимизира тресењето на раката, резолуција од 5 мегапиксели, голем и јасен LCD дисплеј и 18 режими на фотографирање. Повеќе за сето ова во текстот што следи.

Добро познатата и широко распространета максима "технологијата во служба на човекот" кај Нисан Пиво добива уште една дополнителна димензија. Негова главна одлика е ротирачка кабина за 360 степени, систем познат од некои градежни машини, а освен тоа Нисан Пиво е преполн и со други хај-тек придобивки со кои ова јајцевидно возило прикажува дел од иднината на автомобилите.

Во најново време американското научно списание Дисковер (Discover) излезе со напис на 25 страници со наслов Frontiers of Science (Граници на знаењето), каде што во низа научни области е изнесен денешниот досег на знаењето и идните чекори на науката за премин преку тие граници. Во серија од неколку написи ќе ги проследиме најинтересните теми. Започнуваме од астрономијата, со тема: "До каде стасала науката во трагањето по екстрасоларна планета - 'копија' на нашата Земја".

Мрежното поврзување на компјутерите и другите ресурси потребни за успешна работа во која било сериозна фирма е веќе нормална и неизбежна појава. Верувам дека предноста на ваквиот начин на работа е повеќе од очигледна. Во случај кога имаме еден печатач и повеќе компјутери и корисници кои имаат потреба од него, мрежното поврзување е неопходно. Незамисливо е работењето на една фирма да биде без интернет-конекција, која нормално треба да ја користат сите вработени. Но, мрежното поврзување денес веќе станува можно и во домашни услови. Голема заслуга за тоа имаат достапните цени на мрежните компоненти, како и релативно едноставната процедура за поврзување која ни ја овозможуваат модерните оперативни системи.