Досега во ЕМИТЕР имаме претставено неколку термометри/термостати, но сепак има простор да објавиме уште еден модел. Потребата од претставување на разновидни термометри е затоа што е тешко да се изработи еден уред кој ќе ги задоволи сите потреби, а притоа да биде евтин и едноставен за изработка. Затоа, претставувајќи различни модели секој кој има потреба од ваков уред ќе го одбере моделот кој најмногу му одговара. Моделот ДТБК3, кој го прикажуваме во овој напис, е дигитален термометар и термостат со мерен опсег од 0 до 600 ºC чија конструкција сепак не е многу сложена и скапа.