За полначи на Ni-Cd батерии многупати е пишувано на страниците на ЕМИТЕР. Разгледувајќи повеќе можни решенија за Ni-Cd полнач, дојдов до заклучок дека треба да се направи измена во концепцијата бидејќи конкретните полначи не содржеа автоматика за температурна заштита, неопходна за доста осетливите на прегревање Ni-M-H батерии од мобилните телефони.
Првата генерација на мобилни телефони беше енергетски поддржана од класични Ni-Cd батерии, па и самите полначи за нив не беа особено сложени. Понатаму нивното место го зазедоа Ni-M-H батерии кои сè уште водат процентуално како можен извор на енергија пред поновата генерација на Li-jon батерии кои се сè уште скапи. Овде прикажаниот полнач е од групата на "интелигентни'' полначи и успешно ги полни и дополнува сите претходно опишани извори на енергија.