Широкопојасните (fullrange) звучници уживаат култен статус кај аудиофилите. Тој статус најчесто е резултат на пишани и усни преданија, а не на искуства од прва рака (прво уво). Малкумина имале можност во живо да слушнат некој истакнат претставник на овој тип на звучници – на пример Lowther. Причината за тоа е високата цена на овие звучници, а освен тоа тие по правило се вградуваат во кутии од типот на хорна – кои се комплицирани за изработка, а со тоа и скапи. Дали Lowther навистина е толку добар и дали си ја заслужил својата висока цена? Овој тест ќе даде дефинитивен одговор на ова прашање.