Неразделен дел од моторот е системот за неговото ладење т.е. системот кој пред с# се грижи за одржување на оптималната работна температура. Точно е дека моторот работи и без овој систем, но точно е и дека без системот за ладење при целосно оптоварен мотор, теоретски, блокот на моторот од превисока температура би се стопил за околу 10-тина минути. Исправното функционирање на системот за ладење е од витално значење за нормалната работа на моторот, во спротивно, ризикуваме да предизвикаме тешка, и скапа за поправка, хаварија на моторот. Согласно ова, на одржувањето на овој систем треба да му се посвети должно внимание. Во текстот што следува ќе ги прокоментирам основните зафати при одржување и поправка на овој систем.