Неофицијалните показатели ја потенцираа темната нијанса со која расположението на глобалното семејство авиоентузијасти карактеристично за месец октомври минатата година, очекувано, а сепак по малку ненадејно, беШе обоено.

Ова е нашиот краток водич за астрономи-аматери. Дознајте што, каде и како можете да набљудувате овој месец на нашето небо со помош на голо око, обичен двоглед и аматерски телескоп. Овој месец ќе бидеме сведоци на целосно затемнување на Месечината, кое треба да се случи на 4 мај.

Универзалните репродуктори кои ги поддржуваат речиси сите постоечки формати - носители на аудио и видеозапис, по с# изгледа дека моментално претставуваат најдобро решение за љубителите на музиката и филмот. Најпосле, на задоволство и на вистинските аудиовљубеници, може со еден уред да се задоволат сите потреби. Еден таков универзален производ е ДВД Аудио-видео & SACD репродукторот, Денон ДВД-2900.

Шмитовите кола се дискретни или интегрирани електронски кола карактеристични по тоа што бавните промени на влезниот сигнал ги претвораат во брзи дигитални промени на логичкото ниво на излезот. Значајно својство на шмитовите кола е и постоењето на хистерезис на влезниот напон.

Традиционалниот ИНФОКОМ и оваа година ни понуди мноШтво новитети, а на сите компјутерџии им овозможи целонеделно дружење со најновата технологија. Секако дека и многу од посетителите беа дојдени со намера за купување на компјутер или пак некоја друга електронска "играчка", но веруваме дека најмногубројни, како и секоја година, беа компјутерските зависници кои едноставно, сакаат да останат во чекор со технологијата.

AN7 е новото чедо на Абит, базирано на nForce 2 ultra чипсетот, што значи поддршка за 400 MHz-на магистрала (bus), двоканална (dual-channel) меморија и, секако, Socket A подножје во кој можете да вметнете некој Athlon XP процесор на AMD. Ќе си помислите: Ох, не, зарем повторно!?. Тоа што ја разликува оваа матична плоча од која било друга матична плоча на пазарот е µguru (микрогуру), новата иновација на Абит за оверклокување (over clock) на компонентите директно од Windows!

Во медицинските научни кругови секојдневно се случуваат капитални откритија, кои овозможуваат лекарите во пракса да употребуваат с# понови и поефикасни терапии во лечењето на болестите. Но, предизвиците со кои се соочува човекот се многу на број, а ресурсите се ограничени. Па затоа напорите се концентрираат кон решавање на прашањата, кои ќе имаат голем придонес во подобрувањето на здравјето и животот на луѓето.

Чудната природа на светлината беШе можно да се објасни дури откако се појави една нова дисциплина во физиката т.н. квантна теорија, која денес заедно со теоријата на релативитетот претставува еден од двата главни столба на современата физика.

Бесконечно големо е поголемо од големо, нели? Но колку поголемо? Дали сите беконечни множества се рамноправни меѓусебно, или некои од нив се порамноправни од другите? Дали можеме да споредуваме различни бесконечни множества - да видиме кое од нив е поголемо? Колку видови бесконечности има? Не, не се бесконечно многу, туку... ќе се изненадите!

Капацитивниот сензор кој ќе биде опишан во продолжение на текстот, претставува прекинувач кој ќе се вклучи кога ќе му се приближите со рака или со некој дел од телото, и ќе се врати во првобитна положба кога ќе се оддалечите од него. Како составен дел од некој систем може да се користи за различни намени. Овој капацитивен сензор е употребен за јавување за зафатено седиште во автомобил, во комбинација со аларм кога нема да биде заврзан сигурносниот ремен.