Може многу да се пишува за разводниот механизам кај моторите со внатрешно согорување. Едноставно, тоа е евергрин тема. И колку многу да се пишува, темата не може да се исцрпи. Една од причините за тоа е што вентилскиот разводен механизам е типично динамички и комплексен механизам и претставува тесно грло во настојувањата за зголемување на бројот на вртежи на моторот. Состојбата дополнително се комплицира доколку се постави условот за варијабилност на вентилскиот развод. И тука се познаваат вистинските мајстори на својот занает. Во текстот што следува накратко ќе се запознаеме со варијабилиот вентилски развод и кои се основните проблеми и начините за нивно решавање.